ദൈവത്തെ തേടിയലേയേണ്ട,

നീ നിന്നില്‍ തന്നെ ദൈവത്തെ കാണുക. ദൈവം നിന്നില്‍ വസിക്കുന്നു

ആശ്രമ വാര്‍ത്തകള്‍

12 വെള്ളിയാഴ്ച വ്രതം ഒക്ടോബര്‍ 13 വെള്ളിയാഴ്ച മുതല്‍ ആരംഭിച്ചു.

Updated on 21/11/2023

ആത്മ ബോധോദയ സംഘത്തിന്റെ പ്രധാന ചടങ്ങുകളില്‍ ഒന്നാണ് 'ചെറുകോല്‍ തീര്‍ഥാടനം'. ഈ തീര്‍ഥാടനം എല്ലാ വര്‍ഷവും ഡിസംബര്‍ മാസം അവസാനത്തെ വെള്ളി, ശനി, ഞായര്‍ ദിവസങ്ങളിലായാണ് നടത്തപ്പെടുന്നത്. 12 വെളിയ്‌ഴ്ച തുടര്‍ച്ചയായി വ്രതമെടുത്ത് മലയാള മാസത്തിലെ ധനു മാസത്തില്‍ അവസാനത്തെ വെള്ളിയാഴ്ച ഇരുമുടി കെട്ടുകളുമായി ചെറുകോല്‍ ശുഭാനന്ദാശ്രമത്തില്‍ എത്തി ചേരുന്നു. ഈ വര്‍ഷത്തെ 12 വെള്ളിയാഴ്ച വ്രതം ഒക്ടോബര്‍ 13 വെള്ളിയാഴ്ച മുതല്‍ ആരംഭിച്ചു.

യുവജന സ്തുതി 2023 നവംബര്‍ 25 ശനിയാഴ്ച

Updated on 20/11/2023

ഭക്തലോകത്തെ രക്ഷിച്ചുകൊണ്ട് ലോകരക്ഷാര്‍ത്ഥമായി വാഴുന്ന പൊന്നുതമ്പുരാന്റെ ദീര്‍ഘാകാല തിരുശരീര സുഖവാഴ്ചയെ സങ്കല്പിച്ചുകൊണ്ട് ഭഗവാന്റെ അളവറ്റ അനുകമ്പയോടും കാരുണ്യത്തോടും അനുവാദത്തോടുംകൂടി നടത്തപെടുന്ന യുവജന സ്തുതി 2023 നവംബര്‍ 25 ശനിയാഴ്ച തിരുസന്നിധാനത്തില്‍വെച്ച് ഭഗവാന്റെ സമ്പൂര്‍ണ്ണ അനുഗ്രഹത്തോടെ സന്യാസപരമ്പരകളും അന്തേവാസികളും ഭഗവാന്റെ മുത്തുരത്‌നങ്ങളായ ഭക്തലോകവും ഒത്തുചേര്‍ന്നു അനുഷ്ടിക്കപെടുന്നു.

കാര്‍ത്തിക പക്കനാള്‍ സ്തുതി നവംബര്‍ 27 തിങ്കളാഴ്ച സന്നിധാനത്തില്‍ നടത്തുന്നു.

Updated on 19/11/2023

ബ്രഹ്മശ്രീ ദേവാനന്ദ ഗുരുദേവന്റെ ജന്‍മ്മ നക്ഷത്രമായ കാര്‍ത്തിക സുദിനത്തില്‍ നടത്തിവരാറുള്ള കാര്‍ത്തിക പക്കനാള്‍ സ്തുതി നവംബര്‍ 27( തിങ്കളാഴ്ച രാവിലെ 6 മണി മുതല്‍ ചൊവ്വാഴ്ച രാവിലെ 6 മണി വരെ ) സന്നിധാനത്തിലും മറ്റ് പ്രധാന ശാഖാ ആശ്രമങ്ങളിലും നടത്തുന്നു.

മകയിരം പക്കനാള്‍ സ്തുതി നവംബര്‍ 29 ബുധനാഴ്ച സന്നിധാനത്തില്‍ നടത്തുന്നു.

Updated on 18/11/2023

ബ്രഹ്മശ്രീ സദാനന്ദ സിദ്ധ ഗുരുദേവന്റെ ജന്‍മ്മ നക്ഷത്രമായ മകയിരം സുദിനത്തില്‍ നടത്തിവരാറുള്ള മകയിരം പക്കനാള്‍ സ്തുതി നവംബര്‍ 29 ബുധനാഴ്ച രാവിലെ 6 മണി മുതല്‍ വ്യാഴാഴ്ച രാവിലെ 6 മണി വരെ സന്നിധാനത്തിലും മറ്റ് പ്രധാന ശാഖാ ആശ്രമങ്ങളിലും നടത്തുന്നു.

തിളക്കമാര്‍ന്ന പ്രകാശ ഘോഷയാത്രക്ക് ഏഷ്യാബുക്ക് ഓഫ് റെക്കോര്‍ഡ്‌സ്.

Updated on 03/08/2023

99- മത് ഉത്രാടം ജന്മനക്ഷത്രത്തിന്റെ ഭാഗമായി ചെറുകോല്‍ ശ്രീ ശുഭാനന്ദാശ്രമം നടത്തിയ പ്രകാശ ഘോഷയാത്രക്ക് ഏഷ്യാബുക്ക് ഓഫ് റെക്കോര്‍ഡ്‌സ് ലഭിച്ചു. 2023 ഓഗസ്റ്റ് 1-ന് ലോകത്തിന്റെ എല്ലാ കോണുകളില്‍ നിന്നും ഒത്തുകൂടി, മാവേലിക്കര പുതിയകാവ് ക്ഷേത്രത്തില്‍ നിന്ന് മാവേലിക്കര ചെറുകോല്‍ ശ്രീ ശുഭാനന്ദ ആശ്രമം വരെ 3 കിലോമീറ്ററിലധികം നടന്ന്, ദിവ്യപ്രകാശത്താല്‍ പാത പ്രകാശിപ്പിക്കാന്‍ വൈകുന്നേരം 5.00 മണിയോട് കൂടി ഭക്തജനങ്ങള്‍ ഒത്തുചേര്‍ന്നു. തുടര്‍ന്ന് ആത്മബോധോദയം എന്ന ഉന്നതമായ ആദര്‍ശത്തെ ലോകസമക്ഷം അറിയിക്കുകയും,അതിലുടെ മര്‍ത്യരില്‍ ആത്മബോധത്തെ അനുഭവമാക്കുകയും ചെയ്യുന്ന ചെറുകോല്‍ ശ്രീ ശുഭാനന്ദ ആശ്രമ സന്നിധി അത്യപൂര്‍വമായ ഈ നേട്ടത്തിന് സാക്ഷ്യം വഹിച്ചു.